Kreu i shtetit iranian, presidenti Hassan Rouhani, ka gjetur rastin për t’i kujtuar Koresë së Veriut se Amerika, me të cilën ajo tashmë është në një “pranverë” marrëdhëniesh, nuk mund të besohet.
“Veprimet e administratës amerikane vitet e fundit, i kanë bërë Shtetet e Bashkuara një vend të pabesueshëm, i cili nuk është i denjë për besim dhe i cili nuk i plotëson asnjë nga detyrimet e tij”, deklaroi Ruhani gjatë një takimi me ministrin e Jashtëm të Koresë së Veriut, Ri Yong Hou, gjatë një vizite të këtij të fundit në Teheran.
Rouhani iu ankua zyrtarit të Phenianit se tërheqja nga marrëveshja bërthamore e administratës Trump, ajo që u arrit në vitin 2015, si dhe rifutja e sanksioneve, ishin veprime në kundërshtim me rregullat dhe rregulloret ndërkombëtare.
Nga ana tjetër, kreu i diplomacisë së vendit komunist, jo pak armik i SHBA-së, porse me një klime të përmisuar kohët e fundit në funksion të uljes së tensioneve, tha se “politika strategjike e Koresë së Veriut është të thellojë marrëdhëniet me Republikën Islamike të Iranit dhe të kundërshtojë unilateralizmin”. /tesheshi.com/
.
