Presidenti i Këshillit të Bashkimit Europian, Donald Tusk, mbërrin sot në darkë në Tiranë, për t’i komunikuar Kryeministrit Edi Rama, masat e reja të lëvizjes në vendet e BE-së.
Në konferencën për shtyp që do të zhvillojë nesër me Kryeministrin, Edi Rama, Tusk, sipas të gjitha gjasave do të komunikojë kufizimet që pritet të vendosen nga ministrat e Brendshëm të BE-së.
Masat pritet të jenë kufizime për ata që duan të udhëtojnë nga SHqipëria në vendet Shengen. Siç mësohet në Rinas por dhe pikat e tjera kufitare do të ketë përveçse policë shqiptare edhe zyrtarë të policisë kufitare nga vendet e BE-së.
Presidenti i BE-së përveç Shqipërisë do të vizitojë edhe Maqedoninë, Serbinë dhe Bosnjën, nga ku vijnë numri i madh i refugjatëve drejt BE-së.
Sipas njoftimit për shtyp të Këshillit, në këtë vizitë të parë në cilësinë e kreut të BE-së,Tusk do të takohet me kryeministrin Rama, paraditen e së dielës, ku do të mbahet edhe një konferencë e përbashkët për shtyp.
Tusk, në fund do të jetë në Kroaci, ku do të marrë pjesë në samitin e procesit Brdo-Brijuni, ku do të jetë i pranishëm dhe zëvendës-Presidenti amerikan, Joe Biden, krahas udhëheqësve nga Ballkani dhe vendeve të tjera të Unionit. Pikërisht në këtë samit do të bëhet ditur plani për kufizimin e lëvizjes.
/tesheshi.com/
