Anulimi i ndeshjes miqësore ndërmjet Gjermanisë dhe Holandës, ku dyshohej se do kishte një sulm tjetër terrorist, ka bërë që autoritetet gjermane të shtojnë kujdesin para fillimit të çdo ndeshje në kampionatin gjerman.
Dueli ndërmjet Hamburgut dhe Dortmundit nisi me 15 minuta vonesë, për shkak të sigurisë së rreptë brenda impiantit Volksparkstadion.
Bild kishte raportuar se tifozët do futeshin më herët në stadium për shkak të kontrolleve të ashpra të policisë gjermane, e cila mori përsipër edhe kontrollin brenda stadiumit për të evituar çdo dyshim të mundshëm.
Gjithsesi, para fillimit të ndeshjes Hamburg – Dortmund, u mbajt një minutë zie, në nderim të viktimave që humbën jetën nga një sulm në Paris. /tesheshi.com/
