Kryeminsitri kosovar Isa Mustafa ka dhënë ca premtime vërtet të bujshme me anë të një postimi në FB.
Nuk dihet se me ç’rast, pasi premtimet u ngjajnë atyre kur starton një vit i ri politik ose përgjatë një fushate elektorale; por gjykuar në raport me krizën e rëndë parlamentare, e politike në përgjithësi, të cilën po e kalon Kosova, nuk është e vështirë të kuptohet një përpjekje e tij për t’u investuar më fuqishëm, sidomos në ato çështje delikate ku pothuajse ka humbur çdo shpresë se mund të zgjidhen.
“Do të iniciojmë: – Kompensimin e dëmeve të luftës, përfshirë edhe kompensimin e pensioneve të grabitura nga Serbia para dhe gjatë luftës; – Zbardhjen e të gjitha rasteve të të pagjeturve; Zbardhjen e dyshimeve të vrasjeve politike, përmes sistemit vendor të drejtësisë; Reformën zgjedhore, e cila do të krijonte një ambient më të mirë për zgjedhjet lokale të vitit 2017 dhe zgjedhjet nacionale të vitit 2018”, shkruhej kështu në statusin me të fundit të kreut të qeverisë kosovare. /tesheshi.com/
