Zbulohen të fshehtat e samitit të NATO-s që u mbajt në Tiranë për dy ditë në fundjavë. Përveç zgjedhjes së kryetarit të ri të Komitetit ushtarak, NATO ka diskutuar edhe për informacionet se Rusia po përgatitet për një luftë e madhe.
Siç mësohet, Kryetari në detyrë i Komitetit Ushtarak të NATO-s, gjenerali çek Petr Pavel ka deklaruar se “Militarizimi dhe stërvitjet masive që po zhvillon Rusia, nuk janë vetëm shenja se ajo po përgatitet për një luftë të madhe”.
Gjeneralët e NATO-s kanë diskutuar që Aleanca duhet të përgatitet po masivisht për çdo evenimet, edhe pse politika mund të bëjë punën e saj nëpërmjet diplomacisë.
Përveç kësaj, Pavel tha gjithashtu se NATO
po rrit përpjekjet për të rindërtuar komunikimet ushtarake me Rusinë në mënyrë që të shmangë “pasojat e padëshiruara të incidenteve të mundshme gjatë manovrave”.
Doumenti i miratuar në Konferencë bën të ditur se stërvitjet e kryera nga Rusia ku po shpalosen armatime të mëdha konvencionale, por ndërkohë pjesë të rëndësishme të këtyre stërvitjeve mbeten secrete dhe nuk ka transparencë për publikun.
Ndërkaq, në komunikimin final që e ka paraqitur kreu i Komitetit ushtarak, është bërë e ditur se problemet në Ballkanin Perëndimor mund të lindin nga radikalizmi, krimi i organizuar, migrimi, problemet ekonomike apo “ndikimi i keq nga Rusia”.
“Ne nuk konkurrojmë me Rusinë rreth Ballkanit Perëndimor, por kryesisht jemi të përqendruar në bërjen e Ballkanit të qëndrueshëm dhe të sigurt“, tha Pavel.
NATO ka bërë të ditur se nuk ka plane për të reduktuar trupat në Kosovë apo për të vendosur afatin për praninë e tyre atje.
Marshalli i Forcave ajrore britanike, njëkohësisht shefi i shtabit të ushtrisë së Mbretërisë së Bashkuar, Sir Stuart Peach është zgjedhur si kryetar i Komitetit Ushtarak për deri në vitin 2022.
Siç duket SHBA ka dashur që të vendosë një ushtarak pranë saj në një situatë kur edhe rrezikohet një konflikt me Rusinë. /tesheshi.com/
