Marcelo Rebelo de Sousa fitoi besimin e votuesve për mandatin e dytë pesë-vjeçar në raundin e parë të zgjedhjeve presidenciale në Portugali, treguan rezultatet zyrtare.
Pasi u numëruan 99 përqind të votave, rezultatet treguan se politikani konservator 72-vjeçar, profesori i drejtësisë dhe ish-gazetari i televizionit mori 61 përqind të votave në zgjedhjet e së dielës, njoftoi komisioni zgjedhor.
Në zgjedhjet e mbajtura pesë vjet më parë, kur ai fitoi mandatin e tij të parë presidencial, Marcelo Rebelo de Souza mori mbështetjen e 52 përqind të votuesve.
Rezultatet e kundërshtarëve të Sousa-s ishin në nivelin e pritur. Kandidatja socialiste dhe ish-përfaqësuesja në Parlamentin Evropian Ana Gomes mori 12.7 përqind të votave dhe udhëheqësi i partisë populiste të krahut të djathtë Chega! (Mjaft!) Andre Ventura ishte i treti me 11.9 përqind.
Pjesëmarrja në votime ishte në një rekord të ulët, vetëm rreth 40 përqind, e cila gjithashtu ishte kontribuar nga pandemia, pasi numri i njerëzve të infektuar në Portugali ka qenë pothuajse 750 për 100,000 banorë në shtatë ditët e fundit, e cila është një nga më të mëdhatë në të gjithë botën.
Presidenti portugez ka kompetenca relativisht të mëdha: ai mund të vërë veton mbi ligjet, ai mund të shpërndajë parlamentin dhe të thërrasë zgjedhje të reja.
Presidenti aktual, si një politikan konservator, posedon jo vetëm të drejtën e kritikës dhe korrigjimin e qeverisë së majtë të kryeministrit Antonio Costa por gjithashtu dhe mbështetjen e saj, dhe për këtë arsye konsiderohet si një faktor i rëndësishëm në stabilitetin politik të vendit. /tesheshi.com/
