Sipas autoriteteve përgjegjëse, numri i popullsisë së Rripit të Gazës i ka kaluar të martën për herë të parë në historinë e vet dy milionët.
Dy fëmijë të lindur në orët e mbrëmjes të së martës kanë bërë që popullsia e Gazës të jetë tani më tepër se dy milionë.
Gaza, që gjendet prej vitesh nën bllokadën ushtarake izraelite, është një prej vendeve me popullsi më të dendur në botë.
Dendësia e popullsisë së Gazës është aktualisht 5.100 banorë për kilometra katrorë.
Gjithashtu, Rripi i Gazës ka një prej përqindjeve më të larta të lindjeve në botë, me një mesatare prej 4.4 fëmijësh për grua.
Autoritetet në Gaza regjistruan gjatë shtatorit 4.983 lindje të reja, me një mesatare prej 11 lindjesh në ditë.
Popullsia e Gazës pritet të shkojë në 2.1 milionë në vitin 2020. /tesheshi.com/
