Policia e Shtetit ka njoftuar bujshëm sekuestrimin të mërkurën e mbi 1 milion euro të përfituara, sipas saj, nga trafikimi i narkotikëve në Greqi.
“U vendos sekuestro preventive për llogari bankare të shtetasit me iniciale R.Sh. dhe familjarëve të tij. Në gusht 2018 u bë ekzekutimi pranë një banke të nivelit të dytë i vendimit për vendosjen e sekuestros së llogarive bankare në emër të shtetasve: K.Sh. R.Sh. V.Sh. dhe A.Sh., në vlerën 42 000 000 lekë.
Pranë një tjetër banke të nivelit të dytë u bë ekzekutimi i vendimit të gjykatës për vendosjen e sekuestros së llogarive bankare në emër të shtetasve: K.Sh. në shumën 17.033.337 lekë; B.Sh. në shumën 924.922 lekë; R.Sh. në shumën 51.444.350 lekë.
Në total u sekuestrua shuma 111.402.609 lekë, të cilat dyshohet se janë produkt i veprimtarisë kriminale të shtetasit R.Sh. në fushën e ‘trafikimit të lëndëve narkotike’ në Greqi”, thuhet në njoftim.
Por siç mund të vihet re, policia ka “mbrojtur” nderin e trafikantit duke ia prezantuar publikut vetëm me inciale. /tesheshi.com/
