Policia e Shtetit ka vendosur që të mos lëshojë leje për protestë para parlamentit nga ana e opozitës, për të martën e 5 marsit kur ka seancë plenare. Argumenti ka qenë ai i moscenimit të sigurisë së institucionit.
“Kërkesa juaj për tubim para parlamentit, cënon sigurinë e Institucionit me Rëndësi të Veçantë, siç është Kuvendi i Shqipërisë, pengon hyrjen në të të deputetëve, administratës dhe punonjësve të tjerë, vë në rrezik jetën e tyre dhe pengon zhvillimin e punimeve të parashikuara për në orën 10:00 të kësaj date, ndaj ndalohet zhvillimi i tubimit tuaj në vendin që keni kërkuar”, thuhet në sqarimin e policisë.
Nga ana e saj, opozita ka reaguar dukë thënë “në protestën e 26 shkurtit, 2019, nuk ka pasur asnjë akt dhune nga ana qytetarëve pjesëmarrës në protestë. Dhunë ka ushtruar vetëm policia politike e Edi Ramës, nën urdhrat e tu të paligjshëm”. /tesheshi.com/
