Një kontroll nga ajri për kultivimi kanabisi, mundësuar nga droni, ka konstatuar parcela të mbjella dhe në fshatin e kryepolicit Ardi Veliu.
Fjala është për zonën e Fushë Verrisë në Delvinë.
Në njoftimin e policisë thuhet se “një rast i tentativës për kultivim të kanabisit në fshatin Fushë Verri, në Vlorë është goditur në vijim të kontrolleve të territorit nga toka dhe ajri me dronë, me qëllim parandalimin dhe goditjen e veprimtarisë kriminale në fushën e narkotikëve
Në një pronë private të pyllëzuar në Delvinë, është evidentuar një rast i tentativës për kultivim ku janë asgjësuar menjëherë disa fidanë të dyshuar kanabis.
Policia ka vënë në pranga shtetasin Y. Xh., 49 vjeç, si dhe ka shpallur në kërkim shtetasin B. Xh., 45 vjeç, të dy me banim në fshatin Fushë Verri, Delvinë, si autorë të implikuar në këtë veprimtari të paligjshme”. /tesheshi.com/
