Një tregtar i madh droge është arrestuar nga policia në Castiglione të Italisë. Gjatë operacioni, janë sekuestruar 800 gram kokainë dhe 10 kg marihuanë.
Policia arrestoi 31- vjeçarin, e identifikuar si Besmir Myrtaj, i cili ishte duke u larguar me një automjet tip Ford Fiesta.
Gjatë kontrollit në makinë, policia gjeti dy palë çelësa, ku njëra kopje shërbeu për të hapur një apartament në Via del Rio, të cilin e ka përdorur në emrin e vëllait të tij binjak, Gazmentit, që sipas “TgCom” jeton në Shqipëri.
Gjatë kontrollit, policia gjeti edhe katër kilogramë materiale, përfshirë sheqer pluhur dhe sode buke, të cilat shërbenin për rritjen e volumit të kokainës.
Për të përzier drogën, 31 -vjeçari përdorte një blendër për ëmbëlsira. Vlera e parashikuar e drogës të sekuestruar është rreth gjysmë milionë euro, shkruan Ora News.
Hetuesit tani janë duke u përpjekur për të rindërtuar rrjetin e trafikut dhe për të mësuar se nga ka ardhur droga. /tesheshin.com/
