Policia hungareze njoftoi se kishte arrestuar një të dyshuar tjetër lidhur me vdekjen e 71 refugjatëve në një kamion.
Byroja Kombëtare e Hetimit, tha se deri tani policia hungareze ka arrestuar pesë të dyshuar për këtë ngjarje të rëndë.
Policia austriake gjeti të enjten e kaluar në një autostradë një kamion me trupat e pajetë të 71 refugjatëve. Policia hungareze arrestoi më pas në kufirin me Serbinë katër të dyshuar për këtë ngjarje, tre nga të cilët bullgarë dhe një afgan. Një gjykatë vendore i dënoi katër të dyshuarit me një muaj paraburgim për trafikim të qenieve njerëzore.
Sipas ligjit hungarez, trafikimi i qenieve njerëzore dënohet me 2-8 vjet burgim, kurse krimi i organizuar nga 2 deri në 16 vjet. /tesheshi.com/
