Gani Gashi
Komuna e Mitrovicës është kthyer në një fudhë beteje ndërmjet kryetarit dhe këshillit. Por viktima janë qytetarët.
Kjo ka ndodhur edhe në mbledhjen e shkuar, kur këshilli rrëzoi propozimin e kreut të komunës, Agim Bahtiri për të ndërtuar një çerdhe fëmijësh në oborrin e spitalit.
Shefja e grupit parlamentar të AKR-së, dhe motra e Kryetarit të Komunës së Mitrovicës, Xhevrija Bahtiri-Ademi, iu ka thënë asambleistëve se “mora një telefonatë nga kryetari, ku mosmiratimi i pikës së gjashtë me heshtjen e LDK-së, Kryetari me tu kthyer në Mitrovicë, do të rishqyrtojë funksionimin e koalicionit AKR-LDK”, ka thënë ajo.
Asambleistët e partisë në pushtet pra LDK-së nuk kanë votuar propozimin e kryetarit të Komunës Agim Bahtirit njëherësh edhe partner i koalicionit AKR-LDK.
Portali tesheshi.com, ditë më parë ka raportuar se qytetarët e Mitrovicës, shoqëria civile dhe ekspertë e shendetësisë janë deklaruar kundër propozimit të Kryetarit të Komunës së Mitrovicës Agim Bahtiri, për ndërtimin e një Çerdhje për fëmijë në oborrin e Spitalit.
Nga ana tjeër, shefi i grupit të këshilltarëve të LDK-së në Mitrovicë Bekim Muja, i ka thënë portalit tesheshi.com se “LDK-ja, dega në Mitrovicë, nuk ka marrë asgjë zyrtare për prishje të koalicionit”.
Muja nuk ka dashur që të komentojë më shumë rreth kërcnimeve me prishje të aleancës nga ana e motrës së Kryetarit të Komunës së Mitrovicës, Agim Bahtiri, Xhevrije Bahtiri-Ademi, që është edhe shefe e grupit të asambleistëve të AKR-së në Kuvendin Komunal të Mitrovicës.
Ndërsa që partia më e madhe opozitare në Mitrovicë, PDK-ja, pret oferte zyrtare dhe konkrete nga Kryetari i Komunës.
“Koalicioni AKR-LDK, është bërë për interesa personale të disa individëve dhe si duket për interesa personale edhe do të prishet, pra PDK-ja ka qenë kundër këtij koalicioni” ka thënë zëdhënësi i degës së PDK-së në Mitrovicë, Mehdi Haxha.
“PDK-ja, kërkon një ofertë serioze, zyrtare dhe programore nga Kryetari i Komunës së Mitrovicës Agim Bahtiri, por rreth koalicionit me AKR-në do të vendosë asambleja e PDK-së”, ka thënë Haxha
Një ofertë të tillë për koalicion me PDK-në, i pari i Mitrovicës e ka lançuar edhe në muajt dhjetor-janar të këtij viti, por më pas Bahtiri, vazhdoi rrugëtimin qeverisës me LDK-në. /tesheshi.com/
