Policia arrestoi në këto momente personin e dyshuar për vrasjen e dy të rinjve nga Çekia, 20 vjeçarin Sokol Mjacaj.
Policia sapo ka arritur të kapë Mjacajn i cili i ishte strehuar në një shollë 9 vjeçare në fshatin Grude e Re, rreth 20 kilomentra nga qytet i Shkodrës.
Arrestimi është kryer nga një operacion i gjerë i policisë në Shkodër ku morën pjesë afro 250 trupa, ndër të cilat dhe forcat elitë RENEA. Operacioni është kryer në fshatin Grudë e Re, që ndodhet një orë larg me këmbë nga fshati Prekal ku u vranë dy turistët çekë ditën e premte.
Pas ndodhjes së krimit Mjacaj ka zbritur nga Dukagjini drejt fushës së Grudës së Re, e cila dikur zonë e vreshtave të famshme të Shtojit, atkualisht banohet nga të zbritur kryesisht nga Dukagjini. Pasi lokalizimit dhe rrethimit, ai nuk ka bërë shumë rezistencë por ka deklaruar se dorëzohet nëse nuk e vrasin.
Me duart lart është dorëzuar dhe më pas dërguar në Komisariatin e Shkodrës ku është marrë në pyetje.
Po si ndodhi krimi i shëntuar që i mori vjetën dy të rinjve çekë: Michael Svatos dhe Anna Kasinoves?
Sapo ka parë makinën 4×4 Nisan të të rinjve, Sokol Mjacaj ka synuar menjëherë grabitjen dhe ka hyrë brenda ndërkohë që çifti po lahej në lumë. Sapo kanë ardhur dy të rinjtë ai ka ngritur armën kallashnikov por ka hasur siç mësohet në një rezistencë fillestare. Nuk ka menduar as 1 as 2 dhe ka shkrehur armën ndaj dy të rinjve. Por ka lënë shenjat e duarve të tij në makinë, gjë që kanë bërë identifikimin e shpejtë të tij.
Sokol Mjacak ka qenë i dënuar edhe më parë për grabitje me pasojë vrasje dhe është dënuar vetëm 5 vjet. Ai është liruar nga burgu vetëm një muaj më parë.
Mjacaj lindur dhe banues në fshatin Lotaj të Dukagjinit është personi i cili sipas policisë i ka marrë jetën turistëve. Një akuzë e tillë është e vërtetuar shkencërisht, – thotë policia, – përmes gjurmëve që i riu ka lënë në brendësi të makinës.
Sipas policisë autori ka pasur qëllim grabitjen e makinës. Në një operacion të nisur nga mbrëmja e djeshme policia është duke kërkuar për 20-vjeçarin në zonën e Grudës.
“Policia i bën thirrje banorëve të mos strehojnë autorin dhe të kontribuojnë në kapjen e tij”, – thuhet në njoftimin e policisë.
Mjacaj, sipas policisë është person kontigjent me rrezikshmëri të lartë. Ai është i dënuar më parë për vjedhje me pasojë vdekjen e një fëmije në bashkëpunim në vitin 2010. Për këtë krim autori ka kryer pesë vjet burg dhe ka dalë nga burgu para një muaji. /tesheshi.com/
