Policia evropiane ka kryer sulme të koordinuara në shtatë vende në një përpjekje për të goditur gjuhën e urrejtjes dhe nxitjes së dhunën në internet, thanë Europol dhe prokurorët gjermanë.
Policia në Gjermani kontrolloi 83 apartamente dhe lokale të tjera dhe konfiskoi celularë dhe kompjutera.
Prokurorët thonë se 96 të dyshuar u morën në pyetje për gjuhë urrejtjeje në internet, raporton Reuters.
Njëri u akuzua për bërjen e komenteve antisemitike, ndërsa tjetri shkroi fyerje për politikanë, thanë prokurorët nga rajoni gjerman i Pfalzit.
Bastisjet janë pjesë e veprimeve vjetore të nisura nga prokurorët gjermanë dhe këtë vit Italia, Franca, Greqia, Norvegjia, Mbretëria e Bashkuar dhe Republika Çeke u bashkuan në aksion për herë të parë, nën koordinimin e Europol.
Ligjet e rrepta gjermane
Bastisjet të martën synuan postimet në internet që promovojnë racizmin dhe ksenofobinë, tha një zëdhënës i Europol.
Gjermania ka disa nga ligjet më të rrepta në botë për shpifje, nxitje ose kryerje të krimeve, kërcënime të dhunës dhe burgosje për mohimin e Holokaustit dhe nxitjen e urrejtjes kundër pakicave.
Sipas ligjit gjerman, i cili ka qenë në fuqi që nga viti 2018, përmbajtja e qartë kriminale në mediat sociale duhet të fshihet brenda 24 orëve nga marrja e paralajmërimit.
Përndryshe, gjobat të mëdha vihen në veprim.
Ky ligj është monitoruar nga afër ndërsa shqetësimet globale në lidhje me rritjen e gjuhës së urrejtjes në internet po rriten, por ligji ka ndikim të kufizuar dhe nuk ka arritur të frenojë gjuhën e urrejtjes në internet në Gjermani. /tesheshi.com/
