Burimet zyrtare bëjnë të ditur se në orët e vona të natës u njoftuan për të shtëna në këtë fshat, dhe nga verifikimet e bëra rezultoi se 30-vjeçari Vitor Gjoka pas një konflikti verbal dhe fizik me një person me inicialet L.M, ka qëlluar me armë zjarri në afërsi të banesës së këtij të fundit. Më pas është larguar duke u fshehur.
Arrestimi i Gjokës u bë gjatë ditës së sotme, ndërsa u sekuestrua edhe arma e zjarrit me të cilën dyshohet se ka qëlluar.
U sekuestruan në cilësinë e provës materiale një armë zjarri automatik, një krehër dhe 48 fishekë.
Mbi të arrestuarin rëndon akuza “Kanosje” dhe “Prodhim dhe mbajtje pa leje e armëve luftarake dhe municionit”. /tesheshi.com/
