Partia Demokratike denoncoi javën e shkuar disa oficerë të lartë policie në zonën e Kolonjës, që sipas opozitës janë lidhur me trafikanët e kultivimit të canavis sativa apo hashashit siç njihet me terminologjinë e gjerë.
Forcat e Ndërhyrjes së Shpejtë kanë ndërmarrë një operacion të fshehtë pikërisht në zonën e Kolonjës.
Në përfundim të aksionit, Policia e Shtetit, bën me dijë në një njoftim zyrtar se janë zbuluar dhe asgjësuar 17. 550 bimëve Cannabis Sattiva.
Policia e Korçës zbuloi hashash në “një masiv pyjor, rreth 2 km mbi fshatin Qinam-Radovickë, në kufi me rrethin e Përmetit”
“Bimët narkotike u asgjësuan në vend, duke u shkulur, prerë dhe me anë të djegies me zjarr” informon më tej policia.
Pjesë e operacionit së bashku me forcat e Drejtorisë Vendore të Policisë së Korçës kanë qenë dhe Forcat e Ndërhyrjes së Shpejtë të cilat janë nisur nga Tirana por dhe SHÇBA (Shërbimi për çështjet e Brendshme dhe Ankesat) e cila kishte nisur më parë procedim penal.
Operacioni është mbajtur sekret për të parandaluar rrjedhjen e informacionit pasi dyshohet se punonjës lokalë të policisë kishin bashkëpunuar me narkotrafikantët. Dyshohet se mes tyre është shkëmbyer informacione dhe duke dhënë informacione të rreme në lidhje me parcelat e kanabisit. Kjo është dhe arsyeja që SHÇBA ka nisur procedim penal.
/tesheshi.com/
