Sot rreth orës 9:00 banorët shqiptarë të lagjes Kroi i Vitakut kanë filluar rindërtimin e shtëpive të djegura gjatë luftës nga forcat ushtarake policore serbe. Mbi shtëpinë e Hazir Feratit që ka filluar rindërtimin e shtëpisë, janë grumbulluar një grup serbë që punimet të ndërpriten.
Në anën tjetër policia e Kosovës ka ardhur në vendin e ngjarjes. Polici me numër 94/93 ka kërkuar nga pronari i shtëpisë që menjëherë të ndërpriten punimet. Ai ka treguar një dokument të inspekcionit që ishte në gjuhen serbe, kinse inspekcioni kërkon që të ndërpriten punimet.
Në anën tjetër pronari i shtëpisë që ka filluar rindërtimin z. Ferati ka deklaruar për portalin tesheshi, që tash e 16 vite serbët më kanë djegur shtëpinë gjatë luftës. Serbët prapë nuk po me lejojnë që të rindërtojmë shtëpitë tona. Serbët po duan që t’i zbatojmë ligjet e Serbisë jo të Kosovës.
Para tre muajve kur kemi filluar rindërtimin, këtu kanë ardhur dy kryetarët Goran Rakiq dhe Agim Bahtiri që kanë bërë një marrëveshje për rindërtimin e shtëpive, marrëveshje që u realizua kurrë.
Sot kemi marrë iniciativë me banorët e Kroit të Vitakut që t’i rifillojmë punimet për rindërtimin e shtëpive. Z. Ferati me tutje ka shtuar se para tre jave kemi pasur një takim në fshatin Suhadoll me banorët serb aty ishte edhe ministri për kthim Dalibor Jevtić, i cili na ka premtuar që për një javë ky problem do të zgjidhet edhe tani nuk ka asnjë informacion nga ministri.
Rakiqi e din pse nuk po na lejojnë serbët që t’i rindërtojmë shtëpitë tona në trojet tona, theksoi z. Ferati. Nami Ismajli përfaqësues i lagjes Kroi i Vitakut për këto 6 shtëpi ekziston një vendim i vitit 2012 për rindërtimin e këtyre shtëpive por policia dhe serbët nuk po na lejojnë.
Kurrë policia nuk ka qenë në këtë lagje kur janë ndërtuar 6 banesa, por policia po i pengon banorët shqiptar në rindërtimin e shtëpive të djegura. Ne jemi banorë të Kosovës dhe kjo është tokë e jona nuk do të provokojmë askënd dhe as policia nuk duhet të na provokojë dhe të na ndalojë punimet, tha z. Ismajli./tesheshi.com/
