Ndërkohë që situata e rendit në vend nuk është në ditët e saj më të mira referuar ngjarjeve të fundit, policia vazhdon të bëjë më shumë se kurrë punën e saj në terren. Vështirësitë nuk i lodhin ata, por trysnia që po ushtrohet mbi statusin e tyre. Presionet politike, kalojnë në presione psikologjike që nuk i motivojnë ata të punojnë. Duket sikur në ditët e fundit politika dhe analistët tanë kanë harruar që forcat e rendit , jane pjesë e shoqërisë sonë, pjesë e atyre njerëzve të cilët kujdesen për ne, dhe mirëqenien tonë. Por çfarë po ndodh sot me imazhin e forcave të rendt publik në vend?! Gjithë debatet politike, akuzat dhe rastet të cilat duhen të izolohen dhe trejtohen si të veçuara duket sikur po përdoren kundër forcave të rendit dhe efektivëve të policisë për të shkatërruar imazhin e tyre. Në një bisedë me një efektiv policie, tani në detyrë si roje sigurie në Gjykatën e Krimeve të Rënda në Tiranë, ai flet për një karrierë prej 35 vitesh… flet për raste të cilat ka kaluar në veshtirësi, ka qenë i veshur me uniform policie (në fakt i zhveshur nga uniforma pasi as të tilla nuk kishin), ka qenë në mbrojtje të rendit, në krye të detyrës, në shi dhe breshër, në diell dhe borë. Ai flet për një shërbm që nuk i ka lejuar as të festojë një festë pranë famijes së tij. Tregon për rastet kur fëmijët e tij mërziteshin me të sepse nuk Ishte në ditëlindjet e tyre, ndërkohë që ishte aty në rrugë, duke u kujdesur për rendin dhe sigurinë publike.
Sa raste njohim ku drejtues të lartë të policisë së shteti janë goditur nga grupet kriminalë për shkak të detyrës?! Po Roland Meta, polici i cili është ende në spital, nën kujdesin mjekësor pas ndërhyrjes në ngjarjen e bujshmë në ”Rrugën e Kavajes”, në atentatin ndaj Pajtim Serjanit. Ai mbeti i palgosur rëndë, sepse nderhyri për të ndaluar një atenat ndaj Pajtim Serjanit, që mund t’iu merrte jetën dhe shumë personave të tjerë aty pranë. Pse politika nuk merr shembull rastin “Meta” dhe shumë raste të tjera përkushtimi, korrektësie dhe pune por kapet pas rasteve specifike për të përçuar në publik imazh negativ dhe ndjenjë mosbesimi për punën e efektivët të policisë dhe forcave të rendit?!
Ministri i Rendi Sajmir Tahiri në një nga daljet e tij për median falenderoi forcat e rendit për punën e bërë duke iu drejtuar atyre me fjalët “Bravo çuna”. Ky është motivim dhe falenderimi që duhet ta bëjme të gjithë, sepse këta njerëz punojnë per sigurinë e rendit dhe qetësisë sonë. A nuk do të ishte me mirë se sulmi ndaj tyre, mbështetja dhe falenderimi për ta?
Efektivët e policisë shprehen por nuk duan që identiteti i tyre të dalë, as për një rast pozitiv, as për të kërkuar mbeshtëtje në punën që bëjnë, sepse kjo është trysnia e ushtruar ndaj tyre…një trysni që i bën ata të punojnë të pamotivuar dhe të kenë frikë të ngernë zerinë apo thjeshtë të thonë çfarë mendojnë, pasi në kohën ku po jetojmë, gjithçka mund të përdoret kundër tyre. (tesheshi.com)
