Çarja mes Edi Ramës dhe Koço Kokëdhimës, po thellohet akoma dhe më tepër me rastin e miratimit të ligjit për mbetjet. Sot në të përditshmen Shekulli, aty ku promovohet e gjithë fryma politike e Kokëdhimës si pronar i saj, kishte së paku tre tituj kundër importit të mbetjeve.
Ndërkohë, edhe në Top Show-un e së martës mbrëma, Kokëdhima është shprehur ashpër kundër asaj çfarë po ndodh me kanabisin, duke e quajtur situatën mjaft të rëndë. Por në artikulimet e tij, ka lënë të nënkuptuar se vazhdon t’i qëndrojë idesë për një treg të legalizuar dhe të kontrolluar të kësaj bime.
Deri pak kohë më parë, Rama dhe Kokëdhima përfaqsonin një duet politik, po ashtu dhe miqësor, gati të pandashëm. Por pas heqjes së mandatit të deputetit nga Kushtetuesja, Kokëdhima siduket u ndje i tradhëtuar nga grupi i tij parlamentar dhe prej aty nisi dhe ftohja me Ramën. /tesheshi.com/
