Policia e Tiranës arrestoi personat e përfshirë në incidentin me armë të ndodhur tre ditë më parë në rrugën Komuna e Parisit në kryeqytet, ku mbeti i plagosur shtetasi Lorenc Hoxha.
Burime nga policia bëjnë të ditur se në operacion policor të koduar “Poker”, u arrestuan Dejvis Rrustemaj ( në rolin e ekzekutorit ), 27 vjeç, si dhe tre bashkëpunëtorët e tij, Klajdi Kodra, 27 vjeç, Igler Qose, 26 vjeç, banues në Bulqizë dhe Ardit Xheferri ( përkrahës i autorit të krimit), 31 vjeç, banues në Tiranë.
Të 4 të arrestuarit fshiheshin në Vlorë.
Gjithashtu policia sekuestroi automjetin e përdorur në atentat dhe disa aparate celularë.
“Më 3 gusht rreth orës 19:40, në rrugën “Sulejman Delvina”, Dejvis Rrustemaj, duke lëvizur me “BMË X5”, së bashku me Klajdi Kodra, dhe Igler Qose, për shkak të një konflikti për motive të dobëta ka qëlluar me armë zjarri në drejtim të automjet tip “Benz”.
I plagosur në shpatull, mbeti Mariglen Hoxha, 25 vjeç, i njohur ndryshe si Lorenc Hoxha, i cili ndodhet jashtë rrezikut për jetën.
Dejvis Rrustemaj, Klajdi Kodra dhe Igler Qose akuzohen për veprën penale ” Vrasje e mbetur në tentativë e kryer në bashkëpunim”, ndërsa Ardit Xhaferri, për veprën penale ” Përkrahje e autorit të krimit”, shprehen burime nga policia. /tesheshi.com/
