Një efektiv policie është sulmuar me thikë nga një person ende i panjohur. Ngjarja ka ndodhur në zonën e Kamzës në Tiranë, ndërsa efektivi Z.P, 50 vjeç, ka mbetur i plagosur.
Atentatori është larguar nga vendi i ngjarjes dhe ende nuk është zbuluar identiteti i tij apo arsyeja që e çoi të ndërrmarë këtë akt të rëndë.
“Më datë 22.09.2017, në Sallën e Komandimit ka ardhur njoftimi për një punonjës policie të plagosur me mjet prerës.
Në vendngjarje kanë mbërritur shërbimet e policisë dhe ambulanca, ku nga verifikimi paraprak rezulton se : te rrethrrotullimi i Bathores, punonjësi i patrullës, shtetasi Z.P., rreth 50 vjeç, i cili ka qënë i planifikuar me shërbim (patrullë këmbësore) është qëlluar me mjet prerës nga një person ende i paidentifikuar i cili është larguar.
Punonjësi i policisë është transportuar në spital për ndihmë mjekësore. Grupi hetimor po punon për identifikimin dhe kapjen e autorit dhe sqarimin e rrethanave të ngjarjes”, thuhet në njoftimi e policisë. /tesheshi.com/
