Netët e nxehtë të verës krijojnë probleme reale kur vjen fjala për të fjetur gjumë. Gjëja më e zgjuar që secili prej nesh mund të bëjë është të përdorë kondicionerin. Por jo gjithmonë kjo është zgjidhja më e mirë dhe më e lirë. Me ndihmën e 6 trukeve të thjeshtë, ju do të flini tashmë mirë dhe do të kurseni edhe paratë.
Jastëk në frigorifer
Mund të tingëllojë pak e çuditshme, por funksionon! Ne gjithmonë kërkojmë të vemë kokën në anën më të freskët të jastëkut, por pse të mos jenë të dy anët e jastëkut të freskëta?
Një peshqir i lagur në dritare
Hapeni dritaren dhe vendosni një peshqir të lagur, gjë që do të funksionojë si kondicioner natyral gjatë netëve të nxehta.
Kuba akulli përballë ventilatorit
Nëse doni të freskoni dhomën përpara se të flini, thjesht vendosni një pjatë me akull përballë ventilatorit.
Hiqni të gjithë burimet e nxehtësisë nga dhoma
Hiqni të gjithë pajisjet electronike nga dhoma e gjumit, veçanërisht nëse janë duke u karikuar, pasi lëshojnë rreze dhe transmetojnë nxehtësi të panevojshme.
Banjë me ujë të ftohtë të rrjedhshëm për këmbët
Një banjë e ftohtë, jo vetëm do t’iu freskojë, por do t’iu ndihmojë edhe që të flini më shpejt. Të freskoni këmbët çon në një reaksion automatik të organizmit: do të forcojë qarkullimin në këtë pjesë të trupit, kështu që diçka e tillë do t’iu ngrohtë. Kjo siguron çlodhje dhe një efekt qetësues për të gjithë trupin.
Çorape të lagura
Çorape të lagura, veçanërisht në netët e nxehtë do t’iu freskojnë. Thjesht vendosini çorapet në ngrirje dhe pastaj vishini./tesheshi.com/
