Numri i të varfërve në Itali u rrit mes 2016 dhe 2017 nga 4.7 në 5 milion, informon Caritasi italian në një raport të ri.
“Numri i varfër absolutë në Itali vazhdon të rritet: nga 4.7 milionë në vitin 2016, në 5,058,000 në 2017”, thuhet në raport.
Pragu i varfërisë absolute në Itali ndryshon nga rajoni në rajon. Nga 826.73 euro në muaj për një person të vetëm në zonën urbane në veri të vendit, në 560.82 euro në muaj në komunë e vogël në jug, sipas Institutit Kombëtar të Statistikave.
Me rastin e Ditës Ndërkombëtare për Zhdukjen e Varfërisë, Presidenti italian Sergio Mattarella të mërkurën kritikoi rritjen e varfërisë në vend, duke theksuar rëndësinë e arsimit.
Problemet sociale dhe pabarazia në rritje ishin një faktor kyç në zgjedhjet parlamentare në muajin mars, në të cilat populistët fituan më shumë vota, veçanërisht Lëvizja 5 Yjet, e cila në jug të vendit fitoi me shumicë dërrmuese duke premtuar të ardhura të garantuara minimale për të varfërit. /tesheshi.com/
