Insider ka listuar një numër prej 22 biblotekash në të gjithë botën të cilat janë një thesar i vërtetë që duhen zbuluar. Ndërto kemi përzgjedhur pesë biblioteka të cilat janë në Europë, shumë pranë nesh dhe aq të mrekullueshme sa nuk duhet humbur rasti për t’i parë nga pranë:
Biblioteka Sainte-Geneviève në Paris, Francë
Vendi kryesor ku struken studentët dhe kërkuesit e Universitetit të Parisit. Bibloteka është ndërtuar në mes të shekullit të 19-të nga arkitekti Henri Labrouste dhe është e njohur për shtyllat prej gize tek hapësirat e leximit.
Biblioteka e Trinity College në Dublin, Irlandë
E njohur për hapësirën e gjatë të sallës së studimit, është e shquar mbi të gjitha edhe për koleksionin më të madh të librave në të gjithë Irlandën. Përgjatë gjithë sallës së studimit ngrihen shtylla prej mermeri dhe druri të zi. Ndërsa tavani ka qenë i sheshtë kur u ndërtua në fillim më vonë çatia u sajua për të vendosur akoma më shumë libra.
Biblioteka Admont në Admont, Austri
Kjo biblotekë e mrekullueshme është e pozicionuar mu në këmbët e Alpeve dhe është e dyta në botë për madhësinë në llojin e biblotekës manastiri.
Biblioteka The British në Londër, Britani e Madhe
Ëshë ndër bibliotekat më të mëdha në botë edhe pse nga jashtë nuk duket por nga brenda është përplot e mbushur me libra në çdo cep të saj dhe numëron gati 170 milion tituj.
Biblioteka Mbretërore në Kopenhagen, Danimark
Ndryshe njihet me emrin ‘Diamanti i zi” dhe është ndërtuar në vitin 1999 si pjesë shtesë e bibliotekës kombëtare të Kopenhagenit. Karakterizohet nga një stil neo-modern dhe quhet diamanti i zi pkërisht për këndet e saj jo të rregullta dhe dekorimin me granit të zi.
/tesheshi.com/
