Përplasje dhe trazira në jug të SHBA ku janë përleshur militantët e bardhë me përkrahësit që kundërshtojnë racizmin.
Në Dallas të Teksasit, një grup i madh personash kanë manifestuar kundër racizmit, urrejtjes dhe avancimit të supermacistëve të bardhë, duke marshuar në qendër të qytetit, deri tek shtëpia e lindjes së Martin Luther King-ut.
Marshimi ka qenë një pasojë e ngjarjeve të Charlottsville, ku humbi jetën një manifestuese kundër racizmit dhe u plagosën 19 persona.
Në Atlanta u zhvillua një tjetër marshim ku organizatorët morën edhe fëmijët me vete.
“Doja t’u tregoja fëmijëve të mij që dashuria është më e fortë se urrejtja”, tha nëna e një vajze 12 vjeç dhe një tjetri 2 vjeç.
Në Dallas një turmë e madhe njerëzish kanë manifestuar me sllogan kundër racizmit, duke kërkuar rrëzimin e statujave të figurave të ushtrisë së jugut, të kohës së Luftës Civile Amerikane. “Rrëzoni statujat”, thirrën manifestuesit.
Një përplasje u evitua pranë Memorialit të Luftës së Konfederatës.
Aty ka folur dhe pastori i njohur Michael W. Waters, i cili deklaroi se “Është koha për ta bërë Dallasin një qytet të drejtë. Është koha për të rrëzuar këto monumente”.
Policë me kuaj kanë kontrolluar situatën duke monitoruar me helikopter.
Frika ishte e madhe, pasi persona të ndryshëm kanë shkuar me armë në varrezat e luftës civile duke ngritur tensionin. Ata thanë se duan të mbrojnë monumentet nga akte të mundshme vandale.
Gjatë njërit prej manifestimeve, në Dallas pati përplasje ndërmjet racistëve dhe anti-racistëve. Policia ka ndërhyrë me shkopinj gome duke ndarë palët.
Ka pasur njerëz të armatosur nga të dyja palët por në fund nuk pati shkëmbime zjarri. Policia ka përdorur në fillim kuajt për të ndarë sherrin dhe më pas kanë ndërhyrë forcat speciale me shkopinj gome dhe gaz lotsjellës. /tesheshi.com/
