Disa persona mendohet se janë plagosur si pasojë e një aksidenti në rrugën e Rinasit, ndërsa ende nuk ka një informacion zyrtar nga policia.
Sikundër raportohet, dy automjete tip Benz janë përplasur rreth orës 15:00 dhe për pasojë kanë dalë nga rruga.
Njëri nga automjetet ka rënë në kanal, ndërsa tjetri ka përfunduar në një fushë anës rrugës.
Burimet shprehen se të plagosurit nga aksidenti janë transportuar në spital për marrjen e ndihmës mjekësore, ndërsa policia ka nisur hetimet për të zbardhur ngjarjen. /tesheshi.com/
