Ka dalë thuajse jashtë kontrollit situata në kampin e refugjatëve në Idomeni të Greqisë, në kufi me Maqedoninë, ku jetojnë në kushte aspak të mira mbi 9 mijë persona. Policia ka përdorur gaz lotsjellës dhe granata shurdhuese kundër migrantëve, për të qetësuar reagimin e një grupi njerëzish që kanë tentuar të thyejnë rreshtin e policëve duke shtyrë një karrocë hekurudhore në binarët e trenit.
Krimi i organizuar ka marrë përmasa të paparashikuara. Një vagon i trenit është shndërruar në bordello, ku disa migrantë marokenë shesin drogë.
“Jemi në kërkim të atij vagoni. Prej disa kohësh kemi dëgjuar zëra në lidhje me praninë e një bordelloje në kamp. Kur gjetëm vagonin dhe nisëm të filmonim, disa prej migrantëve, të armatosur dhe me thika, na kërcënuan dhe na përndoqën”, – thotë një nga reporterët e televizionit grek Skai. /tesheshi.com/
