Policia e Shtetit u trondit nga një ngjarje e rëndë mbrëmjen e kësaj të hëne. Në Komisariatin Nr. 3 në kryeqytet, te rruga “Mine Peza”, efektivi qëlloi efektivin, sigurisht me pistoletën e shërbimit, duke i marë jetën.
Më konkretisht, Ludjan Zaimi, 25-vjeç, shtiu disa herë kolegun Çaush Saliasi, 55-vjeç, të dy me detyrë oficerë të Patrullës së Përgjithshme. Saliasi u dërgua me urgjencë në spital, por për fat të keq ndërroi jetë si pasojë e plagëve të marra. Ngjarja ka ndodhur rreth orës 21:20 në ambientet e brendshme të komisariatit, konkretisht në zyrën e instruktazhit, pak para se të merrnin turnit.
Zaimi kishte një vit e gjysmë në Policinë e Shtetit, ndërsa ndërsa viktima Çaush Saliasi, ishte me mbi 20 vite karrierë me uniformat blu.
Si shkak paraprak thuhet se të dy janë përplasur me njëri-tjetrin, pasi i pari pretendonte se tallej prej kohësh nga kolegu 55-vjeçar. /tesheshi.com/
