Një aksident tragjik ka ndodhur në orët e para të së enjtes në austostradën që lidh Tiranën me Durrësin.
Dy automjete janë përplasur me njëri-tjetrin teksa lëviznin me shpejtësi të madhe, duke u marrë jetën menjëherë dy drejtuesve, e po ashtu dy pasagjerëve.
Aksidenti ka ndodhur rreth orës 04:15 në afërsi të Sukthit, dhe makinat janë shkatërruar plotësisht nga forca e përplasjes.
Automjeti në pronësi të një 23-vjeçareje nga Saranda, e ku ndodheshin dhe dy vajza të tjera, po udhëtonte në drejtim të Durrësit, dhe është përplasur me një tjetër automjet që po lëvizte përkundër, në drejtim të Maminasit.
Ndërhyrja e zjarrfikësve ka mundësuar nxjerrjen e trupave nga automjetet e shkatërruara. E bllokuar për disa orë, austostrada është rihapur sërish.
Aksidentet në këtë segment rrugor janë të herëpashershme, dhe shpesh rrjedhojat janë tragjike. /tesheshi.com/
