Manchester United dhe Cristiano Ronaldo u ndanë, ka bërë të ditur klubi i famshëm anglez.
“Klubi dëshiron të falënderojë Ronaldon për kontributin gjatë dy periudhave të tij në Old Trafford. Ai shënoi 145 gola në 346 ndeshje. I urojmë atij dhe familjes gjithë të mirat në të ardhmen”, thuhet në deklaratën e Manchester United.
“Të gjithë në Manchester United mbeten të përqendruar në punën me trajnerin Erik ten Hag për të arritur rezultatet më të mira të mundshme në fushë”, thuhet në deklaratë.
Fitues i pesë Topave të Artë
Ronaldo, 37-vjeçari fitues i pesë Topave të Artë, ishte lojtar i Manchester United nga viti 2003 në 2009 dhe përsëri nga 27 gushti 2021.
Një intervistë shpërthyese me TalkTV këtë muaj – në të cilën Ronaldo gjithashtu tha se nuk kishte respekt për menaxherin Erik ten Hag dhe ndihej i tradhtuar nga klubi – ishte pika e fundit në United.
Cristiano Ronaldo aktualisht ndodhet në Botërorin e Katarit, ku e pret të enjten ndeshja e parë me kombëtaren portugeze kundër Ganës.
Se ku do jetë ai më pas, pra në cilin klub, ende nuk dihet asgjë e sigurt. Për momentin përflitet midis Chelsea dhe Bayern Munchen. /tesheshi.com/
