Përqindja e lartë e sulfurit që ndodhet në qepë, i jep asaj aromën karakteristike, por kjo substancë ka edhe shumë efekte pozitive në shëndet. Ja cilat janë disa prej tyre:
Parandalimi i sëmundjeve të zemrës
Niveli i lartë i flavinoideve në qepë luan një rol të rëndësishëm në parandalimin e rrezikut të prekjes nga sëmundjet e zemrës. Ajo shmang mbylljen apo bllokimin e enëve të gjakut si dhe depozitimin në mënyrë të gabuar të trombociteve. Gjithashtu parandalohet grumbullimi i yndyrës së keqe në muret e enëve të gjakut.
Përmirësimi i dendësisë së kockave
Dekada të tëra kërkimesh kanë provuar se substancat e qepës luajnë një rol të rëndësishëm në rritjen e dendësisë së kockës, femrat janë më të pritura të humbin dendësinë e kockës gjatë menopauzës dhe nëse preken nga osteoporoza. Kërkimet kanë treguar se nëse e bëjmë qepën pjesë të dietës së përditshme mund të parandalohet thyerja e kockave tek gratë gjatë menopauzës.
Lufton kancerin
Antioksidantët e pranishëm në qepë ndihmojnë në reduktimin e shanseve për zhvillimin e llojeve të ndryshme të kacereve. Komponentët që ndodhen në këtë produkt ushqimor ndalojnë radikalet e lira për të prekur fytin, zorrën e trashë apo vezoren.
Anti-inflamacion
Antioksidantët që ndodhen në qepë janë të fuqishëm sa u takon vetive të tyre anti-inflamatore. Kjo arrihet nëpërmjet parandalimit të oksidimit të acideve yndyrore. Sa më të larta të jenë shanset e oksidimit, aq më shumë inflamacion pëson trupi.
Kundër infeksioneve dhe rregullues i sheqerit në gjak
Një përfitim tjetër shëndetësor i qepës është se ndihmon në parandalimin e infeksioneve si dhe ndihmon ën rregullimin e nivelit të sheqerit në gjak.
Si duhet ta konsumoni qepën
Është shumë e rëndësishme që trupi ta marrë qepën në mënyrën e duhur, për të përfituar sa më shumë nga vetitë e saj. Sigurohuni ta konsumoni menjëherë pasi e keni qëruar. Nëse e lini në ambient pasi ta qëroni, vetitë e saj kundër infeksionit humbasin pas 2 orësh. Në mënyrë të ngjashme, nëse e zieni apo skuqni më shumë se 10 minuta, do të humbasin vetitë e saj anti-bakteriale./tesheshi.com/
