Nëse ju do të gjenit një unazë që kushton 60 mijë euro, çfarë do të bënit? Normalisht që të gjithë do të binim në tundim, por në fund do të bënim gjënë e duhur, sikurse ka vepruar edhe 21 vjeçari Andrew Samuels, i cili ka menduar për personin që mund ta kishte humbur dhe vendosi ta kërkonte, për t’i kthyer atë që ishte e tija.
Siç tregon Daily Mail, i riu e ka gjetur unazën në një restorant në qendër të Londrës. E ngriti nga toka, i bëri një fotografi dhe vendosi lajmërimin në Facebook, në mënyrë që të mund t’ia kthente të zotit.
Dhe në fakt, mundimi i tij ia ka vlejtur, pasi ka arritur të gjejë pronarin e unazës së shtrenjtë. Ajo ishte një grua e moshuar, e cila ka vlerësuar së tepërmi gjestin e të riut dhe për të vërtetuar se unaza ishte në pronësi të saj, ka treguar edhe faturën e blerjes dhe garancinë e dyqanit.
“Në të shkuarën kam humbur celularin tre herë dhe e kam gjetur falë rrjeteve sociale. Mendova të bëja të njëjtën gjë edhe me këtë unazë që në këtë rast e gjeta unë”,- ka thënë Andrew./tesheshi.com/
