Totenhem “shpërfytyron” Liverpulin dhe i afrohet në krye të klasifikimit, Mancester Sitit. Skuadra e trajnerit Poketino zhvilloi një lojë me ritëm të lartë dhe fitoi 4-1 ndaj të kuqve të trajnerit Klop.
Protagonist i ndeshjes ishte i përhershmi Harri Kejn me dy gola të shënuar dhe shumë volum loje të zhvilluar. Por një ndeshje për të rënë në sy luajti dhe koreabi Son, i cili shënoi një gol, goditi traversën dhe serviri mjaft topa për shokët e tij.
Me lojë të shpejtë e me formacion të konsoliduar, Totenhem e mbylli 3-1 pjesën e parë. Shënuan për 10 minuta Kejn e Son, shkurtoi diferencën Muhamet Salah dhe thelloi avantazhin Dele Ali.
Pjesa e dytë pati shumë raste nga të dy palët, por ishte Kejn që përfitoi në zonë për të shënuar golin përfindimtar.
Pas një fillimi të ngadaltë të sezonit, Totenhem me disa rezultate pozitive rradhazi, ka rigjetur formën e mirë të sezonit të shkuar, duke u bërë rival shumë serioz për Mancesterët. /tesheshi.com/
