Përbërësit:
1 kokërr qepë
1 lugë gjelle gjalpë
2 kokrra patate
½ lugë çaji pluhur kerri
800 ml lëng pule
1 lugë gjelle salcë soje
200 ml pana
500 gr mollë
Kripë, bishta qepe të njomë
Presim qepën imët dhe e kaurdisim atë me një lugë gjalpë për 5 minuta. Shtojmë më pas patatet të qeruara dhe të prera në kubikë të vegjël dhe i kaurdisim së bashku duke shtuar dhe pak kerri. Sapo patatet të fitojnë nxehtësi shtojmë lëngun e pulës dhe i lemë të ziejnë për 15 minuta në temperaturë mesatare.
E kalojmë më pas supën në blender duke e kthyer në pure, më pas e vendosim në zjarr duke shtuar një lugë salcë soje dhe panën. Qërojmë mollën dhe më pas e presim në feta shumë të holla dhe e shtojmë në supë.
Sapo supa të fillojë të vlojë e fikim zjarrin dhe e lemë tenxheren në pllakën e nxehtë të sobës për 3 minuta. Në fund shtojmë bishtat e qepëve të prera në unaza të holla dhe e servirim supën spërkatur me pak kerri./tesheshi.com/
