Kompania gjermane e makinave BMW ka tërhequr 1.36 milionë makina në Kinë për shkak të airbagëve potencialisht të dëmtuar nga kompania japoneze Takata, njoftoi rregullatori kinez i tregut.
Tërheqja, që hyn në fuqi menjëherë, prek modelet e prodhuara midis 2003 dhe 2017 – si në Kinë ashtu edhe jashtë vendit.
BMW Brilliance Automotive do të tërheqë 598,496 makina të prodhuara në Kinë, dhe BMW China Automobile Trading do të tërheqë 759,448 makina të importuara, shtoi rregullatori kinez.
BMW do të zëvendësojë airbagun e përparmë pa pagesë
Nëse inspektimi zbulon një problem, BMW do të zëvendësojë jastëkun e përparmë të shoferit pa pagesë për të eliminuar rreziqet e sigurisë, raporton Reuters.
Tërheqja vlen për makinat BMW, timoni i të cilave është modifikuar nga pronarët e makinave dhe të cilat mund të kenë instaluar airbag të dëmtuar Takata.
