PDK, goditje “poshtë barkut” Vetëvendosjes: “Fillim i ri dhe për Prishtinën

Edhe pse Shpend Ahmeti që qeveris Prishtinën mbetet ndër më të papërfolurit, PDK po synon ta zhvlerësojë këtë model, të vetmin që Vetëvendosje ka në pushtet që nga krijimi si forcë politike e deri më sot.

Fushatës për zgjedhjet e parakohshme parlamentare, i është ndërfutur pra dhe Prishtina, pasi më parë ajo është qeverisur nga LDK dhe tashmë nga VV.

Ka qenë nr.2 i PDK-së, Memli Krasniqi, ai që ka promovuar “Fillimin e ri”, edhe për kryeqytetin kosovar

 “Qe shumë vite, Prishtina po vuan pasojat e qeverisjeve të këqija, të tipit me duar në xhepa dhe të tipit që shkatërron e mohon çdo gjë. Për këtë, shumë bashkëqytetarë të mi tashmë pajtohen se është #KohapërFillimineRi edhe për Prishtinën që do të nis me 11 qershor, me fitoren e madhe të koalicionit tonë, që do t’i sjellë vendit një lidership të vendosur për të mundësuar zhvillimin e gjithëmbarshëm të atdheut tonë”, ka shtuar ai. /tesheshi.com/