Partia Demokratike ka dalë zyrtarisht me qëndrimin e parë për votimin e ditës së sotme.
Deputetja e PD-së, Jorida Tabaku, u kërkon shqiptarëve të votojnë, pasi sot është dita e fuqisë sovrane për të gjithë qytetarët. Në një dalje për mediat nga selia e PD-së, deputetja Jorida Tabaku tha se PD po dokumenton të gjithë procesin e votimit.
“PD falenderon qytetarët që kanë votuar deri tani, duke treguar qytetarinë e tyre e duke mos rënë pre e provokimeve, por nga ana tjetër së bashku me partnerët tanë janë në çdo qendër votimi dhe po dokumentojnë të gjithë procesin. Ku kanë mbetur pak më shumë se peë orë nga mbyllja zyrtare e kutive të votimit, përsëris thirrjen drejtuar zgjedhësve: ju që sot keni të drejtën e votës, ndani disa minuta nga koha juaj për të votuar, se vota është fuqia juaj dhe askush nuk mund të dalë mbi të. Mos mungoni, keni akoma pesë orë në dispozocion. Sot është dita e fuqisë sovrane për të gjithë qytetarët”, tha Tabaku.
/tesheshi.com/
