Një hotel në rajonin e Abrucos, në Italinë qendrore, është goditur nga orteku, duke u marrë jetën shumë personave, nga ajo që raportohet.
Orteku mendohet të jetë shkaktuar nga tërmetet e njëpasnjëshme që e goditën dje rajonin, të mësuar tanimë me lëkundjet e herëpashershme të tokës.
Stuhitë e dëborës dhe rrugët e bllokuara i kanë penguar ekipet e shpëtimit që të arrijnë në kohë në hotelin Rigopiano.
“Ka shumë të vdekur,” do të deklaronte Antonio Crocceta, drejtuesi i ekipit të shpëtimit.
Sipas mediave, në hotel ka patur 20 bujtës dhe shtatë pjesëtarë të personelit në kohën e rënies së ortekut.
E mbërthyer ditët e fundit nga moti i keq, me borë e stuhi, pjesa qendrore e Italisë u godit dje nga një numër tërmetesh, njëri prej të cilëve i shkallës 5.7 ballë. Më e fundit fatkeqësi në rajon është orteku që mbuloi hotelin. /tesheshi.com/
