Përditësuar/Paraditen e sotme u mblodh grupi parlamentar i Partisë Demokratike, ku diskutua vendimi për përjashtimin e nga seancat plenare e deputetit demokrat Sali Berisha, për 10 ditë.
Ishte vetë Berisha që u bëri thirrje qytetarëve të armatosen për të mbrojtur veten dhe sigurinë e tyre në seancën e fundit plenare.
Grupi i PD-së miratoi mundësinë e bojkotit 10-ditor, aq sa është masa e përjashtimit të Berishës.
Në përfundim të mbledhjes, kreu i PD-së, Lulzim Basha u shpreh se shteti i Edi Ramës rezulton të jetë shteti i Shullazit, shteti i banditëve.
“Zyrat janë në dispozicion të banditëve që terrorizojnë shqiptarët dhe kanë guxim të ndikojnë edhe vendimet politike. Do të vazhdojmë të inkurajojmë hetimin e kësaj çështjeje, prokurorët me integritet, që kanë shënuar një pikë kthese me arrestimin e Emiljano Shullazin dhe anëtarëve të bandës së tij. Për t’i dhënë gajret bandës, u bë dënimi i Berishës. Apo qëndrimi i Ramës, që me zë të dridhur u mundua të bëjë avokatinë e Shullazit dhe bandës së tij”, – tha Basha. /tesheshi.com/
