Ka që prej ditës që u arrestua Sokol Mjacaj, kur media sociale ka nisur një fushatë kundër një personi, i cili sipas shumë prej këtyre mediave është fajtori që “monstra” i Pultit vrau dy turistët nga Çekia të premten e shkuar në fshatin Prekal.
Bëhet fjalë për një gjyqtarë me përvojë dhe në prag të pensionit, i cili ka mbajtur poste të larta të gjyqësorit shqiptar që në kohën e komunizmit. Në fillim kryetar i gjykatës ushtarake e më pas gjyqtar i Apelit në Tiranë e në fund kryetar i Gjykatës së Apelit në Shkodër, nga duart e Musa Halilit kanë dalë shumë çështje që janë diskutuar dhe debatuar për vendimin dhe kohën e burgimit. Në media shpesh ka pasur shkrime mbi lirime nga burgu të personave të ndryshem me probleme penale. Rasti i fundit është ai i Sokol Mjacajt, kur në vitin 2010 pasi e kishte dënuar gjykata e shkallës së parë me 10 vjet, gjyqtari në fjalë e dënoi me 4 vjet si autor në bashkëpunim të një grabitje me pasojë vrasjen të një fëmije 13 vjeç. E motivoi me moshën e tij të mitur, vetëm 15 vjeç. Por sa u lirua, “I mituri” i rritur e bëri prap, vrau për të grabitur…/tesheshi.com/
