Ndërsa kreu i Opozitës, Lulzim Basha pritet të japë përgjigje zyrtare për paketën McAllister, ai ka mbledhur aleatët në zyrën e tij për konsultime. Pas takimit me ta, Basha takoiedhe ish-kryeministrin Sali Berisha.
Takimet kanë qenë intensive edhe në kampin tjetër, pas largimit të ndihmës-sekretarit amerikan të Shtetit, Hoyt Brian Yee. Ambasadori amerikan në Tiranë, Donald Lu zhvilloi një takim me shefin e qeverisë lidhur me zgjidhjen e krizës politike. Pritet qëndrimi i kryeministrit për paketën McAllister, që ndër të tjera parashikon edhe shtyrje të zgjedhjeve.
Një ditë më parë në takimin me gazetarët, Hoyt Brian Yee tha se paketa që u prezantua nga McAllister është një paketë e drejtë që mund të çojë drejt zgjidhjes. Pavarësisht pjesëmarrjes së Partisë Demokratike në zgjedhje, Yee u shpreh se nëse ato çertifikohen si të rregullta nga OSBE, Shtetet e Bashkuara do t’i njohin. /tesheshi.com/
