Pas lajmërimit të zbulimit të binjakut të largët me tokën, Keplerit, NASA ka prezantuar një planet tjetër të ngjashëm me tonin, i cili ndodhet shumë më afër me Tokën dhe është tërësisht shkëmbor. Astronomët sigurojnë se është një ‘minierë e vërtetë sipas të dhënave shkencore’.
Quhet HD 219134b dhe është pagëzuar si “Ylli prej Guri”, sepse nëpërmjet studimit të tij, mendohet se do të mund të lejohet leximi i një tjetër super-Toke.
Falë teleskopit Spitzer të NASA-s, binjaku i ri i Tokës i paralajmëruar, është planeti i gurtë më afër sistemit tonë diellor, me një distancë prej 21 vitesh dritë larg nga ne, por është në një distancë shumë të paktë nga ylli i tij, çka e bën të pamundur aftësinë për të mirëpritur njerëz.
Në çdo rast, ky planet ka një rëndësi për të mos u nënvlerësuar. Studimet për HD 219134b mendohet se do të lejojnë të njihen nga afër të gjithë planetët e tjerë binjakë me Tokën, përfshirë edhe planetin Kepler.
Shkencëtari i cili merret me studimet, Michael Gillon, shprehet optimist: “Falë misionit Kepler të Nasës dimë se ka planetë të tjerë të ngjashëm me Tokën, por ende dimë shumë pak për to. HD 219134b prezanton një kampion lokal për të studiuar në mënyrë më të thellë të gjithë planetët e tjerë”.
Michael Werner, koleg i Gillon dhe punonjës në projektin e Nasa shton: “Planetët jashtë diellorë vlejnë dhe kanë një rëndësi shumë më të madhe se sa mund ta mendojmë ne. Ky planet mund të jetë një nga më të studiuarit për dekadat e ardhshme”./tesheshi.com/
