Nuk është vetëm Albin Kurti brenda Lëvizjes Vetëvendosje që mendon se në pesë vitet e ardhshme mund të ketë luftë në Ballkan. Mendim të tillë ka edhe vetëvendosësi tjetwr, Ylli Hoxha që është asambleist i VV-së në komunën e Prishtinës.
Hoxha, përmes një postimi bërë në profilin e tij në Facebook ka përmendur disa prej krizave që po ndodhin nëpër botë, duke aluduar se ato mund të çojnë drejt një lufte të re.
Për të gjithë ata që kanë ironizuar me deklaratën e Kurtit për mundësinë e një lufte të re, Hoxha ka një mesazh, që ata të kapin librat dhe të lexojnë…
Më poshtë mund të lexoni postimin e Ylli Hoxhës, asambleist i VV-së në komunën e Prishtinës:
“Turqia po rrëshqet drejt ndikimit të shtuar rus…
Rusia ka okupuar gjysmën e Ukrainës dhe Krimenë, prej ku e rrezikon drejtpërdrejt Stambollin…
Britania e Madhe po del nga BE-ja përmes një fushate të ekstremit të djatht….
E djathta ekstreme po rrezikon ta merr Gjermaninë, Francën dhe Austrinë….
Hungaria po ndërton fortifikatë…
Përspektiva e integrimit për Ballkanin Perëndimor në BE është ndalur për një kohë të gjatë, ndërsa përfshirja amerikane është më e ulta që nga përfundimi i luftës së ftohtë….
Kroacia dhe Serbia po intensifikojnë garen e armatimit….
Republika Srpska po organizon referendum kundër vendimit të Gjykatës Kushtetuese, përkundër presionit të theksuar SHBA-BE….
Dhe deklarata e Albinit që në 5 vitet e ardhshme ka gjasa të ketë luftë të re në Ballkan po ju duket e habitshme a? Kapni librat e lexoni pak aman, zaman!” (sic)”, ka shkruar Hoxha. /tesheshi.com/
