Në zgjedhjet e sotme vendore po përvijohet një qëndrim gjithnjë e më shumë kontestues i partisë që përfaqëson minoritetin grek në Shqipëri; PBDNJ.
Kjo forcë politike në disa deklarata radhazi ër media ka denoncuar sipas saj manipulime dhe kërcënime të votave.
Në deklaratën e PBDNJ-së për Himarën theksohet se “po bëhet tentative për të manipuluar rezultatin e zgjedhjeve, duke aktivizuar persona me karta identiteti fallco.
Në qendrën e votimit Nr. 4588 në Himarë votoi shtetasi Angjello Qirjako Bollano, emri i të cilit ndodhet në listat e qendres së votimit 4590. Kërkojme dhe bëjme thirrje Organeve Kompetente dhe Organizmave ndërkombëtare për nderhyrjen e menjëhershme”.
Ndërkaq, në një deklaratë tjetër për Finiqin, PBDNJ thekson se “Partia Bashkimi për te Drejtat e Njeriut konstaton se në kundërshtim me kodin elektoral, ambienti i QV 4719/1 (Vagalat Bashkia Finiq) përdoret jo vetëm si QV por njëkohësisht dhe si ambient lokali. Gjë e cila cënon zhvillimin e një procesi zgjedhor të qetë dhe mund të cojë në tjetërsim të votës”.
/tesheshi.com/
