Partia e Drejtësisë në Kosovë nuk do e ketë më kryetarin e saj histori, njëherësh themeluesin, dr. Ferid Agani.
Në vend të tij, partinë do e drejtojë Sylejman Çerkezi.
Siç bëhet me dije nga Sekretariati i kësaj partie, pas mbajtjes së Kuvendit të Jashtëzakonshëm ku morën pjesë 112 delegatë, në mënyrë unanime u votua për shkarkimin e Ferid Aganit, ku më pas, me me 110 vota pro dhe dy kundër, kryetar i ri është zgjedhur Sylejman Çerkezi.
Kështu, pas largimit me dorëheqje nga drejtimi i Ministrisë së Mjedisit për qenë në dispozicion të drejtësisë lidhur me një aferë, Agani humbet dhe drejtimin e partisë të cilën e themeloi vite më parë.
Ky është ndër të rrallat raste në partitë shqiptare, ku kryetari historik largohet me votë.
Ndërkohë që dhe vetë Agani, me gjestin e tij të dorëheqjes nga ministër për t’u gjykuar pa patur asnjë post qeveritar, përbën një rast po ashtu të rrallë. /tesheshi.com/
