Parlamenti i Maqedonisë do të shpërndahet në seancën e fundit të këtij viti më 17 dhjetor, kur të miratohet edhe buxheti i vitit 2017.
Këtë e ka bërë të ditur Kabineti i kryetarit të kuvendit, Trajko Veljanovski,.
Sipas Veljanovski, në këtë mënyrë, deputetët e Maqedonisë do të arrijnë që në të njëjtën kohë, dy qëllime: ta plotësojnë deytrën e tyre për të punuar deri në ditën e fundit, në interes të shtetit, për të sjellë buxhetin për vitin e ardhshëm, si edhe ta plotësojnë detyrimin e tyre për shpërndarjen e kuvendit, pasi që afatet ligjore lejojnë një gjë të këtillë, për t’i hapur rrugën mbajtjes së zgjedhjeve të parakohshme parlamentare.
Ky vendim i Veljanovskit, siç thonë nga kabineti i tij, është në pajtim me marrëveshjet e ndërmjetësuara nga bashkësia ndërkombëtare.
/tesheshi.com/
