Paraardhësja e picës, në rrënojat e Pompeit

Një mural që përshkruan atë që mund të jetë paraardhësi i picës italiane është zbuluar në murin e një shtëpie në Pompei, njoftoi Ministria Italiane e Kulturës.

Arkeologët besojnë se pica mund të jetë ngrënë e zbukuruar me fruta të tilla si shegë ose hurma ose me erëza dhe një lloj salce pesto, tha ministria.

Ndonëse teknikisht nuk është pica, pasi i mungojnë përbërësit klasikë si domatja dhe mocarela, ajo që u gjet në Pompei “mund të jetë paraardhësi i largët” i picës moderne, sipas deklaratës.

Pompei, i shkatërruar nga shpërthimi i malit Vezuv pothuajse 2000 vjet më parë, ndodhet vetëm 23 km nga Napoli, qyteti modern që është vendlindja e picës italiane, një ushqim që i përket trashëgimisë kulturore botërore dhe mbrohet nga Unesco.

Murali u zbulua në dhomën e ngrënies së një shtëpie pranë një furre buke, e cila ishte gërmuar pjesërisht në shekullin e 19-të dhe ku gërmimet rifilluan në janar, tha Ministria e Kulturës.

Vendi i Pompeit, i zbuluar në shekullin e 16-të, kohët e fundit ka parë një stuhi të aktivitetit arkeologjik pas viteve të rënies dhe neglizhencës, kryesisht falë një projekti 105 milion € të financuar nga Bashkimi Evropian. /tesheshi.com/