Ka ende mjegull mbi ngjarjen e mbrëmshme në prag të një prej çerekfinaleve të Champions League-s, kur autobusi i Borusias së Dortmundit u godit nga shpërthime që sollën anulimin e ndeshjes.
Policia gjermane është ende në kërkim të të dyshuarve, ndërkohë që prokurori i shtetit ka deklaruar se pranë vendit të ngjarjes ishte gjetur një letër e se po hetohej vërtetësia e saj.
Autoritetet policore ka bërë të ditur se nuk ka prova që të mbështesin pistën e një sulmi terrorist. Sipas një korrespondenti të BBC-së, një prej mundësive është që sulmi të jetë vepër e ekstremistëve të djathtë.
Borusia e Dortmundit ka patur probleme kohët e fundit me huliganizmin, që ka çuar dhe në ndalime të hyrjes në stadium të ekstremistëve të së djathtës ekstreme, raporton korrespondenti i rrjetit informativ britanik.
Borusia e Dortmundit do të luante me Monakon mbrëmjen e së martës; një takim i shtyrë për ditën e sotme për shkak të shpërthimeve.
Marc Bartra është lojtari i vetëm që ka pësuar dëmtime dhe ka kryer një operacion gjatë orëve të fundit.
Autobusi u godit nga shpërthimet ndërsa ishte nisur drejt stadiumit ku do luhej ndeshja. /tesheshi.com/
