Papa Françesku u takua të dielën në mbrëmje në Erbil, në Irakun kurd, me babanë e Aylan Kurdi, një djalë sirian i cili u mbyt në Detin Egje dhe u bë një simbol tragjik i krizës së refugjatëve në 2015.
Fotografitë e trupit të pajetë të një fëmije 3-vjeçar në një plazh në Turqi tronditën dhe rritën ndërgjegjësimin për refugjatët e luftës siriane.
“Papa foli për një kohë të gjatë me Abdullah Kurdi, dhe dëgjoi rrëfimin e dhimbshëm të një babai që humbi familjen e tij”, tha Vatikani në një deklaratë.
Papa Françesku i ka zgjedhur refugjatët si një nga temat kryesore të Papatit e tij.
Aylan Kurdi u mbyt me vëllain e tij të madh Galip dhe nënën e tij kur një gomone u fundos në Detin Egje.
Papa Françesku përfundoi një vizitë në Irak të dielën në mbrëmje, me një meshë në stadiumin e Erbilit. /tesheshi.com/
